1，我果日早上搭31號車，有兩個阿婆坐系我後面，成程車就系度講248嘅司機好衰，個個都系咁衰，唔停車俾佢地，話24同248嘅司機都系咁。。。 其中聽到有一段系話佢地坐24去白雲山，等紅燈嘅時候，另一部24停系旁邊，兩個司機嘅對白系："哇，你部車今日咁多神主牌嘅～～～"超暈～～～



2，有次落班我坐307,好多人好逼,關門果時,後門有個女人大叫:"啊,我的腳".司機就開返門,止?又聽到另一個女人大叫:"啊,我的手."于是司機又開返門,又關返,跟住又聽到一個女噶好細聲講:"啊,我的頭."全車人大笑.



3，有次佢搭的士喔，大概係鹿景路果邊（果帶好多外籍人士做生意），果時都應該幾夜了。

個廣駿司機大叔可能趕住交更啦～踩住個油門係咁去。

轉完個靓彎之後，前邊有個用黑紗蒙頭蒙面（淨低對眼無蒙），全身都係很衫的中東女人橫穿過馬路喔！！！

司機大叔突然嚟個急刹………………

然後就伸個頭出窗大聲講：好心你夜晚就著白色啦！！個人就已經夠黑了，仲著黑色！！！條路又無燈！！點睇到你啊！！！



4，我搭227果個站特別多人落車，終于等到關車門喇~

仲有個人未落："司機有落啊"

司機就好唔耐煩，

但又好"關心"咁大聲叫："拆左螺絲未啊？

攞埋張凳走吖！"

我覺得司機叔叔們真的好幽默！！！



5，我遇一個仲搞笑..車開得好快..車就快到站..有人上有人落..個司機勁好心情咁大叫..:"快上.快落..快快樂樂.."然後好好心情咁繼續開快車了...

6，我坐197上班曾經都遇到一個司機好搞笑，日日喺客村立交嗰個站上都會好多人嘅，簡直就係逼爆車，啲人一咪喺度遞錢俾司機一咪講："司機，後門上吖，後門上吖～～～～"個司機一句就話："上車頂啦！"



7，喺迎賓館站有個人喺落班時間搭車,果時好多人上bus,距已經嘀佐卡.但部車已經逼到上5到.個司機就同果個人講:你跟我跑50米就上到噶啦.....跟住司機叔叔關車門.....開佐幾十米來個急刹...開翻後門叫果個人上車!!!



8，我試過坐248啱啱上車扶唔穩，坐左落個婆到，阿婆大叫後生仔有無搞錯啊，咁我起翻身，司機又系到轉彎，我又坐返落個婆到，阿婆大叫靓仔搏懵啊 ！



9，搭128路車，個司機停站嘅時候，有個啊伯想上車，距問個司機：“司機，到唔到盡頭啊？” 個司機話“我啋，啊伯，我咁後生，幾時先到盡頭啊！？”（的確，個司機好後生下）



10，幾年前系同德圍早上搭556出廣州，果陣勁逼車，果度又好多外地人啵，咁果日由于部車已經逼到爆了，關門就開走，後面有個撈佬可能見到駕車就追，但系駕車已經發動，司機唔想再停。跟住個撈佬系後面一邊追一邊叫“師傅，等等我啊，師傅，你等等我啊” （北方人都喜歡將司機叫成師傅）個司機系廣州人，一邊開一邊講“悟空，你就別追啦” 系車頭企果啲人即刻系度大笑~